सभापति रवि लामिछानेले मतदान गरेसँगै राष्ट्रिय स्वतन्त्र पार्टीको केन्द्रीय सदस्य निर्वाचनअन्तर्गतकाे पहिलो चरणको मतदान सकिएकाे छ ।
केन्द्रीय निर्वाचन आयोगका अनुसार बिहीबार मध्याह्न साढे १२ बजे मतदान औपचारिक रूपमा सकिएको हो । यसअघि आयोगले मध्याह्न १२ बजेसम्म मतदानको समय निर्धारण गरेको थियो ।
मतदान बुधबार राति १२ बजेदेखि विद्युतीय प्रणालीमार्फत सुरु भएको थियो । रास्वपाका प्रवक्ता मनिष झाका अनुसार प्रारम्भिक विवरणमा करिब ३ हजार १ सय मत खसेको देखिएको छ । महाधिवेशनमा ४ हजारभन्दा बढी प्रतिनिधिको सहभागिता रहेको थियो ।
मतदान सम्पन्न भएसँगै अब मत गणना तथा परिणाम सार्वजनिक गर्ने प्रक्रियातर्फ पार्टी अघि बढेको छ ।
