फिफाको अध्यक्षमा इन्फान्टिनोलाई फ्रान्स र जापानको चुनौती

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स र जापानका फुटबल संघ प्रमुखले चुनौती दिने भएका छन् ।

फ्रान्सेली फुटबल महासंघका अध्यक्ष फिलिप डियालो र जापानी फुटबल महासंघका मानार्थ अध्यक्ष कोजो तासिमाले आगामी निर्वाचनमा उम्मेदवारी दिएका हुन् ।

फिफाले बिहीबार सार्वजनिक गरेको जानकारीअनुसार आगामी सन् २०२७ मार्चमा अध्यक्ष पदका लागि निर्वाचन हुँदै छ । अर्थात्, सन् २०२३ मा निर्विरोध निर्वाचित भएका इन्फान्टिनोले यसपटक भने प्रतिस्पर्धा गर्नुपर्ने भएको छ ।

फ्रान्सका डियालोले सोमबार आफ्नो उम्मेदवारी घोषणा गरेका थिए । उनलाई युरोपेली फुटबल महासंघ (युएफा) अन्तर्गतका सदस्य राष्ट्रहरूको समर्थन रहेको बताइएको छ ।

यस्तै, जापानका तासिमाले यसै महिनाको सुरुमा उम्मेदवारी घोषणा गरेका थिए। उनले बुधबार औपचारिक रूपमा आफ्नो उम्मेदवारी दर्ता गराए ।

यसअघि स्विट्जरल्यान्डका पूर्वफुटबलर रामोन भेगाले पनि अध्यक्षमा प्रतिस्पर्धा गर्ने घोषणा गरेका थिए । तर फिफाले सार्वजनिक गरेको उम्मेदवारको सूचीमा उनको नाम छैन । फिफाका अनुसार प्राप्त उम्मेदवारीहरूलाई निर्वाचन समितिमा पठाइएको छ ।

अब समितिले उम्मेदवारको योग्यता परीक्षण गर्नेछ। र, फिफाका सदस्य राष्ट्रहरूलाई फेब्रुअरी १८ भित्र उम्मेदवारको अन्तिम नामावली उपलब्ध गराइनेछ ।

कान्तिपुर

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई

काठमाडौं । लामो समयदेखि बन्द रहेको तातोपानी नाका पुनः सञ्चालनमा आउने सम्भावना बढेको छ। नेपाल