म्याद गुज्रेको खाद्यवस्तु बेच्ने तिनकुनेको मट्का बिरयानीलाई २ लाख जरिबाना

काठमाडौं । वाणिज्य, आपूर्ति तथा उपभोक्ता संरक्षण विभागले बजार अनुगमनका क्रममा उपभोक्ता हित विपरित काम गर्ने ३ वटा पसल तथा फर्मलाई २ लाख २५ हजार रुपैयाँ जरिबाना तिराएको छ ।

विभागले मंगलबार काठमाडौं उपत्यकाका १३ वटा उद्योग तथा फर्मको अनुगमन गरेको थियो । सबैभन्दा बढी जरिबानामा पर्नेमा काठमाडौं महानगरपालिका–३२, तिनकुनेमा रहेको मट्का बिरयानी क्लाउड किचन रहेको छ ।

म्याद गुज्रिसकेको खाद्यवस्तु बिक्री गरेको पाइएपछि उक्त किचनलाई विभागले २ लाख रुपैयाँ जरिबाना तिराएको हो ।

त्यसैगरी, खरिद बिल/विजक नराखेको कसुरमा अन्य दुई पसल कारबाहीमा परेका छन् । काठमाडौं महानगरपालिका–७, गणेशस्थानस्थित इलाभेन इलाभेन ओयर्सलाई २० हजार रुपैयाँ र सोही वडाको चाबहिलस्थित फुयाल खाद्य स्टोरलाई ५ हजार रुपैयाँ जरिबाना तिराइएको छ ।

अनुगमन टोलीले ललितपुर महानगरपालिका–२, सानेपामा रहेको तः नानी ट्रेडिङ कम्पनी प्रालिलाई भने व्यवसायसँग सम्बन्धित दर्ता प्रमाणपत्र, प्यान, खरिद/बिक्री बिल विजक र कर चुक्ता लगायतका कागजात लिएर ३ दिनभित्र विभागको बबरमहलस्थित कार्यालयमा उपस्थित हुन निर्देशन दिएको छ ।

अनुगमनका क्रममा बाँकी ९ वटा पसल तथा कम्पनीलाई विभागले सामान्य निर्देशन दिएर छाडेको छ ।

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई