रसुवा बाढी : ‘क्यामेरामा देखिए उद्धार मागिरहेका हातहरू’

१० भदौ, काठमाडौं । रुसुवाको बेत्रावतीस्थित सातबिसे फाँटमा पीडितहरुले उद्धारका हात उठाइरहेका दृष्य देखिएका छन् ।

कालिकास्थानबाट गोरखापत्रका पत्रकार केशव न्यौपानेले क्यामेरा जुम गरेर हेर्दा पीडितहरूले उद्धारको हात उठाइरहेको देखिएको बताएका छन् ।

‘घरहरुको छटबाट मानिसहरू छन्, उनीहरूले हात उठाइरहेको देखियो,’ न्यौपानेले भने, ‘तर थप केही गर्न सकिने स्थिति छैन ।’

अनलाइनखबरसँग टेलिफोन सम्पर्कमा आएका उनले क्यामेराको ब्याट्री सकिएकाले तस्वीर पठाउन नसकिएको उनले बताए ।