बंगलादेशलाई हराउँदै पाकिस्तान एसियन गेम्स क्रिकेटको फाइनलमा

१५ असोज, काठमाडौं । पाकिस्तान एसियन गेम्स पुरुष क्रिकेटको फाइनलमा प्रवेश गरेको छ । बिहीबार भएको पहिलो सेमिफाइनलमा बंगलादेशलाई पराजित गर्दै पाकिस्तानले कम्तीमा रजत पदक पक्का गरेको हो । वर्षाले भिजेको मैदानका कारण खेल समयमा सुरु हुन सकेको थिएन । ढिला सुरु भएपछि १३ ओभरको खेल तय भएको थियो । बंगलादेशले दिएको ११२ रनको लक्ष्य पाकिस्तानले ११.३ ओभरमा पूरा गर्‍यो । अब्दुल समद ३० रनमा नटआउट रहे भने हसन नवाज २७ रनमा नटआउट रहे । बंगलादेशका महेदी हसन, नसुम अहमद, मुस्तफिजुर रहमान र रिशाद होसेनले १-१ विकेट लिए ।

त्यसअघि टस हारेर पहिले ब्याटिङको निम्तो पाएको बंगलादेशले १३ ओभरमा ७ विकेट गुमाएर १११ रन बनाएको थियो । तोहिद रिदोएले सर्वाधिक ४२ रन बनाए । सेफ हसनले १९ तथा मोसदेक हुसेनले ११ रन बनाए । पाकिस्तानले अब स्वर्ण पदकका लागि भारत र श्रीलंकाबीचको विजेतासँग खेल्नेछ । बंगलादेशले कांस्य पदकका लागि भारत र श्रीलंकाबीच पराजित हुने टोलीसँग खेल्नेछ ।

News Credit :onlinekhabar.com

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई