काठमाडौं । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि मतदान जारी छ । शुक्रबार बिहान साढे १० बजेसम्म १ हजार २९३ मत खसेको केन्द्रीय निर्वाचन समितिले जनाएको छ ।
बिहान ७ बजेदेखि मतदान सुरु हुने भनिए पनि एक घण्टा ढिलो गरी प्रक्रिया सुरु भएको थियो । मतदान सुरु भएको करिब दुई घण्टामा उक्त मत खसेको हो ।
मतदानका लागि काठमाडौंको खुलामञ्च र प्रदर्शनीमार्गस्थित राष्ट्रिय सभा गृहमा व्यवस्था मिलाइएको छ ।
खुलामञ्चमा ६ प्रदेश र विदेशस्थित नेपाली जनसम्पर्क समितिबाट निर्वाचित महाधिवेशन प्रतिनिधिले मतदान गरिरहेका छन् भने राष्ट्रिय सभा गृहमा बागमती प्रदेशका प्रतिनिधिका लागि मतदान केन्द्र तोकिएको छ ।
महाधिवेशनबाट कांग्रेसको नयाँ केन्द्रीय नेतृत्व चयन हुनेछ ।


