गोप्य सूचनापछि सीआईबीको अपरेशन : व्यक्तिगत बैंक खाताबाट झण्डै २ अर्बको हुण्डी कारोबार गरेको आरोपमा धादिङका राजेन्द्र प्रसाद रिजाल पक्राउ

काठमाडौं । केन्द्रीय अनुसन्धान ब्युरो (सीआईबी) ले करिब १ अर्ब ९० करोड रुपैयाँ बराबरको हुण्डी कारोबारमा संलग्न रहेको आरोपमा एक जनालाई पक्राउ गरेको छ।

सीआईबीका अनुसार, गोप्य सूचनाका आधारमा शंकास्पद बैंकिङ कारोबारको विश्लेषण गर्ने क्रममा धादिङको सत्यदेवी–८ स्थायी घर भई हाल काठमाडौंको नागार्जुन–८ बस्दै आएका ४९ वर्षीय राजेन्द्रप्रसाद रिजाल अन्य व्यक्तिसँगको मिलेमतोमा व्यक्तिगत बैंक खाता प्रयोग गरी १ अर्ब ८९ करोड ६५ लाख ३९ हजार ४५४ रुपैयाँ बराबरको हुण्डी कारोबारमा संलग्न रहेको प्रारम्भिक अनुसन्धानबाट खुलेको हो।

यस सम्बन्धमा काठमाडौं जिल्ला अदालतबाट साउन १२ गते पक्राउ अनुमति लिएपछि सोही दिन नागार्जुन–८ स्थित राधाकृष्ण मन्दिर क्षेत्रबाट रिजाललाई पक्राउ गरिएको सीआईबीले जनाएको छ।

प्रहरीले पक्राउ परेका रिजालमाथि हुण्डी कारोबारसम्बन्धी कसुरमा थप अनुसन्धान भइरहेको जनाएको छ। प्रारम्भिक अनुसन्धानका क्रममा बैंकिङ प्रणालीको दुरुपयोग गर्दै ठूलो रकमको अवैध वित्तीय कारोबार भएको आशंका गरिएको प्रहरीले जनाएको छ।

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई