ब्रड पिक हिमपहिरोमा निर्मल पुर्जासहित पर्वतारोहीहरूको निधनप्रति सरकारले शोक व्यक्त गरेको छ।

प्रसिद्ध पर्वतारोही निर्मल पुर्जा ‘निम्सदाइ’को नेतृत्वमा पाकिस्तानको ब्रड पिक आरोहण अभियानमा सहभागी सदस्यहरूको निधनप्रति नेपाल सरकारले गहिरो दुःख व्यक्त गरेको छ।

यो घटना साउन १४ गते (जुलाई ३०) बिहीबार, टोली क्याम्प–२ बाट क्याम्प–३ तर्फ जाँदै गर्दा हिमपहिरोमा परेपछि भएको हो।

आज परराष्ट्र मन्त्रालय ले जारी गरेको प्रेस विज्ञप्तिअनुसार, निर्मल पुर्जा ‘निम्सदाइ’ सहित नेपाली पर्वतारोही पुरबहादुर गुरुङ ‘युक्त’, किली पेम्बा शेर्पा ‘किलु’, निमा शेर्पा, नावाङ थिन्दु शेर्पा र ग्यालु शेर्पा को निधनले नेपालको पर्वतारोहण क्षेत्रमा अपूरणीय क्षति पुगेको जनाएको छ।

मन्त्रालयका अनुसार, हिमपहिरोमा अभियान टोली हराएको खबर प्राप्त भएपछि पाकिस्तानका सम्बन्धित निकाय र नेपाली उद्धार टोली ले खोज तथा उद्धार कार्यलाई तीव्र बनाएका थिए। हालसम्म पुरबहादुर गुरुङ र ग्यालु शेर्पा को शव फेला परेको छ भने अन्य सदस्यहरूको खोजी कार्य जारी रहेको छ।

पाकिस्तानस्थित नेपाली दूतावास ले दिवंगत पर्वतारोहीहरूको पार्थिव शरीर नेपाल ल्याउने प्रक्रिया सहजीकरण गरिरहेको मन्त्रालयले जनाएको छ।

यस अभियानमा चार विदेशी पर्वतारोहीसहित कुल १० जना सहभागी थिए। विदेशी सदस्यहरूमा नधिरा अहमद अब्दुल्लाह अल हार्थी (ओमान), सुहैल साखी (पाकिस्तान), वाङ झोङ (चीन) र म्यालोरी गाइस (अमेरिका) रहेका छन्।

मन्त्रालयले दिवंगत पर्वतारोहीहरूप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरेको छ।

सौजन्य: www.english.himalayatimes.com.np

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई