न्युजिल्यान्ड ए सँग नेपाल ए टोलीको हार

२१ भदौ, काठमाडौं । अस्ट्रेलिया भ्रमणमा रहेको नेपाल ए क्रिकेट टोलीले टुरको अन्तिम खेलमा पनि हार बेहोरेको छ । आइतबार भएको न्युजिल्यान्ड ए सँगको एकदिवसीय खेलमा नेपाल २ विकेटले पराजित भएको हो । नेपालले दिएको २१२ रनको लक्ष्य न्युजिल्यान्डले १ बल बाँकी छँदा ८ विकेटको क्षतिमा पूरा गर्‍यो । न्युजिल्यान्डका ओपनर राइस मारिउले शानदार शतकीय पारी खेले । उनले १३४ बलमा १३७ रन बनाएर जितका लागि ६ रन आवश्यक हुँदा आउट भएका थिए । नेपालका लागि रिजन ढकाल, शाहब आलम र युवराज खत्रीले २-२ विकेट लिँदा बिपिन खत्री र पवन सर्राफले १-१ विकेट लिए ।

त्यसअघि टस जितेर पहिले ब्याटिङ गरेको नेपाल ए ले ५० ओभरमा अलआउट हुँदै २११ रन बनाएको थियो । पवन सर्राफले सर्वाधिक ६१ रन बनाउँदा लोकेश बमले ४७ रन बनाए । अनिल साहले २४ रन बनाए । मयन यादवले २० रन बनाए । न्युजिल्यान्डका लागि म्याट फिशरले ९ ओभरमा ३७ रन दिएर ४ विकेट लिए । क्रिस्टन क्लार्क र अदित्या अशोकले २-२ विकेट लिए भने जाक गिब्सन र मोहम्मद अब्बासले १-१ विकेट लिए । टप एन्ड टी-२० सिरिज खेल्न अस्ट्रेलिया पुगेको नेपाली टोलीले उक्त सिरिजमा ६ मध्ये २ खेल जितेको थियो । त्यसपछि नेपाल तास्मानिया र साउथ अस्ट्रेलियासँग अभ्यास एकदिवसीय खेलमा पराजित भएको थियो ।

News credit :onlinekhabar.com

photo credit :can

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई