एकैदिन ५ हजारले घट्यो सुनको भाउ, चाँदीमा पनि उच्च गिरावट

काठमाडौँ । सोमबार नेपाली बजारमा सुनचाँदीको मूल्यमा उच्च गिरावट आएको छ । नेपाल सुनचाँदी व्यवसायी महासंघका अनुसार, आज एकैदिन सुनको मूल्य तोलामा ५ हजार रुपैयाँले घटेको हो । सोमबार सुन प्रतितोला २ लाख ९४ हजार ३०० रुपैयाँ कायम भएको छ । आइतबार सुन प्रतितोला २ लाख ९९ हजार ३०० रुपैयाँमा कारोबार भएको थियो । त्यसैगरी, सोमबार चाँदीको मूल्य तोलामा १४५ रुपैयाँले घटेर प्रतितोला ४ हजार ५१० रुपैयाँ कायम भएको छ । आइतबार चाँदी प्रतितोला ४ हजार ६५५ रुपैयाँमा कारोबार भएको थियो । नेपालमा अन्तर्राष्ट्रिय बजारका आधारमा सुनचाँदीको मूल्य निर्धारण गर्ने गरिएको छ । सोमबार अन्तर्राष्ट्रिय बजारमा सुन प्रतिऔंस ४ हजार १९७.८२ अमेरिकी डलर र चाँदी ६२.०२ अमेरिकी डलरमा कारोबार भइरहेको छ ।