असोज मसान्तभित्र विवरण बुझाउने कम्पनीको पुराना सबै कर र जरिवाना पूर्ण मिनाहा

आगामी असोज मसान्तभित्र वार्षिक विवरण बुझाउने कम्पनीको सबै कर र जरिवाना मिनाहा हुने भएको छ । अर्थसम्बन्धी प्रस्तावलाई कार्यान्वयन गर्न बनेको विधेयक, २०८३ को दफा ४८ ले यस्तो व्यवस्था गरेको हो ।

सोहीअनुरुप कम्पनी रजिष्ट्रारको कार्यालयले गर्दै आर्थिक वर्ष २०८२–०८३ को वार्षिक विवरण असोज मसान्तभित्र बुझाई कर, शुल्क, दस्तुर र जरिवाना मिनाहाको लाभ लिन आग्रह गरेको छ ।

कार्यालयका अनुसार विधेयकमा कम्पनी ऐन, २०६३ बमोजिम दर्ता भएका कम्पनीले तोकिएको म्यादभित्र विवरण पेश तथा अद्यावधिक नगरेको र कर, शुल्क, दस्तुर, जरिवाना नबुझाएको भएमा कारोबार जारी राख्न वा दर्ता खारेज गर्न असोज मसान्तभित्र विवरण बुझाए सबै कर, शुल्क, दस्तुर र जरिवाना मिनाहा हुने व्यवस्था छ ।

कार्यालयले भनेको छ, ‘आव २०८२–०८३ को लागि कानूनबमोजिम लाग्ने कर, शुल्क, दस्तुर तथा विवरण ०८३ असोज मसान्तभित्र पेश गरेमा सोभन्दा अघि लागेको वा लाग्ने सम्पूर्ण कर, शुल्क, दस्तुर वा जरिवाना मिनाहा हुने व्यवस्था भएको हुँदा कारोबार जारी राख्न वा दर्ता खारेज गर्न चाहने कम्पनीले आर्थिक वर्ष २०८२–०८३ को वार्षिक विवरण असोज मसान्तभित्र पेश गरी कानूनबमोजिम लाग्ने कर, शुल्क, दस्तुर तथा जरिवाना मिनाहाको लाभ लिन यो सूचना प्रकाशन गरिएको छ ।’

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई