रसेलको चार विकेट, विराटनगरसँग जनकपुर २ रनले पराजित
एन्ड्रे रसेलले अन्तिम ओभरमा दुई विकेट लिएपछि विराटनगर किंग्सले जनकपुर बोल्ट्सलाई २ रनले पराजित गरेको छ । अन्तिम ओभरमा जितका लागि १३ रन आवश्यक रहेको अवस्थामा जनकपुरले १० रन मात्र जोड्न सक्यो । रसेलको अन्तिम बलमा सैफ हसन ४८ बलमा ७१ रन बनाएर बासिर अहमदको हातबाट क्याच आउट भए । उनले २ चौका र ५ छक्का प्रहार गरे । यसअघि रसेलले ओभरको दोस्रो बलमा जनकपुरका कप्तान हरमित सिंहलाई खाता नखोल्दै क्याच आउट गराएका थिए । रसेलले ४ ओभरमा ४५ रन खर्चेर ४ विकेट लिए ।
News Credit :e.kantipur


