रोमेलु लुकाकुले लिए अन्तर्राष्ट्रिय फुटबलबाट संन्यास

काठमाडौँ — बेल्जियमका फरवार्ड रोमेलु लुकाकुले सोमबार अन्तर्राष्ट्रिय फुटबलबाट संन्यास लिएको घोषणा गरेका छन् । उनले बेल्जियमका लागि १ सय ३५ खेल खेले र त्यसमा ९४ गोल गरे । उनले चार विश्वकप खेले । त्यसमध्ये पछिल्लो विश्वकपमा बेल्जियम क्वाटरफाइनलसम्म पुगेको थियो ।

अहिले टर्कीको फेनेरबाचेका लागि व्यावसायिक फुटबल खेलिरहेका ३३ वर्षीय लुकाकुले सन् २०१० मा बेल्जियमका लागि किशोर उमेरमा डेब्यु गरेका थिए । बेल्जियमले नेसन्स लिगमा इटालीमाथि ४–१ को जित निकाल्दा उनी बेन्चमै रहे ।

बेल्जियमका लागि कीर्तिमानी सर्वाधिक गोलकर्ता लुकाकुले इन्स्टाग्राममा लेखेका छन्, ‘पछिल्लो १६ वर्षमा मैले आफ्नो देशका लागि सक्दो सबै दिएँ । यो मेरो लागि खुसीको यात्रा रह्यो र मैले त्यसको प्रत्येक क्षण रमाएर बिताएँ ।’ उनले बेल्जियमका लागि चार विश्वकप र तीन युरोपेली च्याम्पियनसिप खेले ।

उनी भन्छन्, ‘बेल्जियमका लागि खेलेका कुनै पनि क्षण मैले कहिल्यै बिर्सने छैन । अहिले संन्यास लिने निर्णय शान्तिपूर्वक लिएको छु ।’ बेल्जियमको ‘स्वर्णिम पुस्ता’ का एक सदस्य लुकाकुले चेल्सी, म्यानचेस्टर युनाइटेड र इन्टर मिलानका लागि पनि खेले ।

कान्तिपुर

काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता

काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स

काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई