काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) को दोस्रो क्वालिफायरमा आज सुदूरपश्चिम रोयल्स र चितवन राइनोजबीच प्रतिस्पर्धा हुँदैछ । कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने यो निर्णायक खेल साँझ ५ बजे सुरु हुनेछ ।
पहिलो क्वालिफायरमा लुम्बिनी लायन्ससँग पराजित भएपछि सुदूरपश्चिमले फाइनल प्रवेशका लागि दोस्रो क्वालिफायर खेल्ने अवसर पाएको हो । उता, चितवन राइनोजले भने इलिमिनेटर खेलमा काठमाडौं गोर्खाजलाई पराजित गर्दै दोस्रो क्वालिफायरमा आफ्नो स्थान सुरक्षित गरेको हो ।
आजको खेलमा विजयी हुने टोलीले उपाधिका लागि लुम्बिनी लायन्ससँग फाइनल खेल्नेछ । प्रतियोगिताको फाइनल खेल मंसिर ५ गते हुनेछ ।


