राष्ट्रिय मानवअधिकार आयोगले बालबालिकालाई पार्टी सदस्यता दिएकोबारे राष्ट्रिय स्वतन्त्र पार्टीसँग जवाफ मागेको छ ।
बुधबार एक पत्र पठाउँदै आयोगले सञ्चारमाध्यममा खबर आएअनुसार बालबालिलालाई पार्टी सदस्यता दिएकोबारे यथाशीघ्र जवाफ दिन भनेको हो ।
हालै १८ वर्षमुनिका बालबालिकालाई पार्टी सदस्यता दिएको विवरणहरू आएपछि रास्वपाको आलोचना भइरहेका बेला आयोगलले पनि जवाफ मागेको हो ।
आयोगले १८ वर्षमुनिका बालबालिकालाई पार्टी सदस्यता वितरण गरिएको भए त्यस्तो कार्य प्रचलित नेपाल कानुन र नेपालको अन्तर्राष्ट्रिय प्रतिबद्धताविपरीत हुने भन्दै सचेतसमेत गराएको छ ।



