काठमाडौं । अमेरिकी विदेशमन्त्री मार्को रुबियोले राष्ट्रिय स्वतन्त्र पार्टीका सभापति रवि लामिछानेलाई टेलिफोन गरी भोटेकोशी बाढीमा भएको ठूलो जनधनको क्षतिप्रति गहिरो दुःख व्यक्त गरेका छन् ।विदेशमन्त्री रुबियोले बाढीमा ज्यान गुमाउनेहरूप्रति समवेदना प्रकट गर्दै नेपालका जनता र सरकारप्रति अमेरिकी सरकारको पूर्ण ऐक्यबद्धता रहेको बताएका छन् ।जवाफमा सभापति लामिछानेले नेपाल सरकारले खोज, उद्धार तथा राहतका लागि उपलब्ध सबै स्रोतसाधनहरू प्रभावकारी रूपमा परिचालन गरिरहेको जानकारी गराएका छन् । लामिछानेले नेपाली नागरिकसँगै नेपालमा रहेका विदेशी नागरिकहरूको सुरक्षा र संरक्षणप्रति पनि सरकार समान रूपमा प्रतिबद्ध रहेको कुरामा जोड दिएका थिए ।विपद्को यस कठिन समयमा नेपाललाई अमेरिकाले पुर्याएको सहयोगप्रति लामिछानेले आभार व्यक्त गरेका छन् भने रुबियोले पनि आवश्यकता अनुसार नेपाल सरकारलाई थप सहयोग उपलब्ध गराउन अमेरिका सधैँ तयार रहेको बताएका छन् ।
अमेरिकी विदेशमन्त्री रुबियोद्वारा रवि लामिछानेलाई टेलिफोन, भोटेकोशी बाढीको क्षतिप्रति दुःख व्यक्त


काठमाडौँ — नेपालले बलियो प्रतिद्वन्द्वी भारत ‘ए’ विरुद्ध खेल्दै शुक्रबार एसिया कप राइजिङ स्टार्स प्रतियोगिता
काठमाडौँ — फुटबलको सर्वोच्च निकाय फिफाको अध्यक्ष पदमा पुनः निर्वाचित हुन खोजिरहेका जियानी इन्फान्टिनोलाई फ्रान्स
काठमाडौं । उच्च अदालत पाटनका एक न्यायाधीशका व्यक्तिगत सुरक्षा अधिकृत (पीएसओ) ले न्यायाधीशकै निवासभित्र आफैँलाई
